العورة الحقيقية

لما ادم اتخلق ربنا اخد منه ضلع واداله كائن جميل هو الانثى..كائن قادر يعمل كل حاجة مادية

تغسل وتطبخ تحبك تتحمل اعباء الذكر والحمل والولادة وكل دة فى نظير حاجة معنوية واحدة ..احساس الامان والحنان من الراجل بس اللى لاحظته ان تقريبا كل ما المجتمعات بتزيد فى التقدم كل ما التقدير للى كان سبب اساسى فى صنع جيل يتقدم بالمجتمع دة بيقل بل ساعات فى مجتمعات محدش بيذكره من الاساس.ودة بيبقى مؤشر اساسى فى اقتراب زوال التقدم دة

لو بصينا علينا عمرك سمعت شتيمة بالاب غير "يابن الكلب" ..كل الشتايم الباقية بالام .. حتى فى كل بلاد الدنيا المجتمعات المتقدمة او المتأخرة الشتيمة بالام فى كل الاوقات.. طب نسيب موضوع الشتايم على اساس ان دى بتبقى لحظات غضب وبتعدى واحنا مش قصدنا نهين المرأة

تعالا اتعزم عند صاحبك فى يوم هتلاقيه مخبى اخواته البنات فى اوضه ومحدش يشوفهم ولو لمحت انتا صورة لواحدة من اخواته هيتكسف او حتى لامه بحجة ان دة مينفعش وهيخيبها اكتر ما بيبذل جهد فى انه يخبى عورته الشخصية

وهتلاقى فى ظل البلاد المحكومة بشكل عسكرى فى المقام الاول ولو لاحظت هتلاقى كل بلاد الدنيا محكومة كدة مهما كانت مسرحيات الديموقراطية متقنه فى انها تصور مدى الحرية الممنوحه

فى امريكا مثلا اهانة المرأة بيشوفوه شىء متخلف وان العربى او الشرقى معتاد على فعل اهانة المرأة سواء بقى مراته او اخته ..قريبته او امه لكنهم بيهينوا المرأة لما اصبح التعامل معاها على اساس جسدى فبمقاش فيه احساس بالامان عند الست لما جمال الجسد هيروح مع عوامل الزمن

هنلاقى فيه فضايح جنسيه واخلاقيه كتير علاقات عابرة كتير بينتج عنها ابناء غير شرعيين اللى هيصدر للمجتمع مشاعر الابن اللى افتقد مشاعر الاب الحقيقى حتى لو كبر فى كنف اب بديل

عموما الفقرة دى كانت عشان منبقاش بننقد فى نفسنا وفاكرين غيرنا بيتعامل برقى وسمو

اول دور تنشئة فى العالم هى حضن الام..لو بصيت فى دراسات علم النفس عن الاطفال يتيمى الام هتلاقى فيه جوانب نقص كتير فى شخصياتهم عن غيرهم من يتيمى الاب

فى مجتمعنا احنا بنبتر دور الام بما اننا عايشين فى ظل نظام حكم شمولى بقالنا 60 سنة بس دة جه مع الوقت لان اى ديكتاتور عشان يستمر لازم ينزع الثقة من محكوميه فى الاتيان باى انجاز الا من خلاله فبقى بعد جيلين اتولدوا واتربوا فى كنف الستينات نقص فى الثقة ..الجيل دة لما اتجوز مع الموروثات الجميلة بدأ يحس بالثقة من خلال انسانه هيتجوزها ..ممكن بانه يضربها او يزعق فيحس انه دكر او يقعد يفهمها حاجات فيحس ان مخه دة الماظات ..الموروثات دى كانت مسئولة عنها المرأة بشكل كبير جداا لان فى اسطورة هبله بتقول ان الراجل لازم يحس بضعفك لانه لو حس انك ند ليه او احسن منه هيطلقك وطبعا احنا عارفين الكابوس الشهير اللى اتولد عندنا وعند اى واحدة مقدمة على تجربة الجواز ..معاملة المطلقة اللى رسخ ليها فيلم اريد حلا

مع الانفتاح بدأ مبدأ الغاية تبرر الوسيله لجلب اى فلوس تنفيذا للقول الشهير "اللى مش هيعمل الخميره دلوقتى مش هيعملها بعدين" بدأ الناس اللى بتسافر الكويت سنتين وترجع محملة تتجوز عشان تفرغ طاقتها الجنسية فامه تقوم بدور النخاس فتجلب بضاعة حلوة تخلى ابنها يفرغ طاقته الجنسيه فيها وهو مبسوط والست تبقى مجرد جسد للجنس فتحصل مشاكل فيحصل حالتين لو الراجل شخصية قوية هيضرب وطبعا الست هتبلع المر عشان متعانيش م الكابوس بتاع المطلقة..وساعتها شخصية الام فى او نموذج المرأة عند الاطفال خاصة الذكور بما اننا فى مجتمع ذكورى ..اداة جسدية للجنس..اداة لتفريغ شحنه الغضب..

وبما اننا بنشوف المراه على انها فقط عضو تناسلى لاشباع الرغبة فهنفكر فى ان كل الناس بترغب وبتفكر زينا فنبدا نتعامل معاها بحرص محدش يشوف امى..او اختى...او مراتى..وتطلع الكلمة الشهيرة اصل مينفعش ..عيب

اما بقى الحالة التانية ان الراجل تبقى شخصيته ضعيفة هيحصل تسلط من الزوجة فيطلع الطفل كاره لذلك النموذج الانثوى فيطلع وهو بيحاول يدواى النقص اللى حصل فى شخصيته من التسلط اللى تم ممارسته على ابوه

مع مرور الوقت وصلنا لدلوقتى كبت جنسى رهيب..مبقاش فيه فرصة للجواز واحساس الثقة بقى قليل بشكل كبير فالشاب يبدأ فى تنفيذ السلطات الذكورية اللى اتمنحت ليه حسب تصنيف بيولوجى بانه ذكر وبأنه خلق فى مجتمع ذكورى على اخواته البنات لو ضحكت بصوت عالى يزعق..لو اتاخرت يقلب عليها البيت...لو لبست كذا يبقى متنرفذ ومينزلهاش ويركب دماغه مع ان جهاز الكمبيوتر بتاعه جوزة مليان على اخره سكس اذا كانت صور او افلام..كل اللى بيعمله دة مش عشان هو خايف من انه يتقرطس او انه يبقى ديوث خالص هو عايز يحس بانه راجل وخلاص وفيه حد بيفرغ فيه شحنه الرجولة اللى هتخنقه فبيمارسها على اقرب نموذج انثوى

من دول ناس بيفضل كدة ومنهم بيتخنق من حياته ولانه معرفش يكون راجل ومعرفش يفرغ شحنه الرجولة ودة لخطأ فيه لان ابسط قواعد الرجولة ان الراجل ميمدش ايده ولا يرفع صوته على كائن مش ند ليه يعنى مش هيقدر يرد الضرب او الاهانة اللفظية

ولو بصينا معدلات العنف الاسرى بين الراجل وزوجته ..الراجل مكبوت فى شغله ومحبط من وظيفة مبترجعش عليه بدخل جيد فيرجع لتفريغ شحنه الكبت فى زوجته

الطفل بيكبت فى المدرسة من استاذ او زميل له مكبوت فى بيته من اب مكبوت فى شغله فيرجع الطفل للبيت يضرب اخته لانه واثق انها مش هتقدر تضربه فبكدة يرجع احساس النشوة والثقة فى نفسه جواه

احنا بنلف فى حلقة مفرغة !!!

والشريحة التانية من دول بيقرر يتدين وللاسف بيقع فى ايد ناس بيوصلوا الدين غلط فيطبق هو الدين غلط ...وبيبقى وقع فى غلطتين تطبيق خاطىء للرجولة وتطبيق خاطىء للدين

بيبدأ يلاقى فى دول اللى بيرسخ جواه الفكر الذكورى العنصرى الخاطىء بان المرأة عورة فنخش فى سكة النقاب والتدين الظاهرى ويبقى الراجل دة بيصلى الفجر حاضر فى الجامع ثم يذهب الى العمل فاتحا لدرجه على اعتبار ان الجوع كافر والدنيا غليت يا باشا ودة احسن من مد الايد ...

فى نهاية الكلام الناس اللى اتكلمت عنهم هما شريحة كبيرة ظاهرة بقوة فى مجتمعنا فى الايام دى بيبصوا ان المرأة عورة وفى اكيد شريحة تانية بتحترم الكائن دة وبتقدره التقدير اللى يليق بيه كهدية من الخالق لجدنا الكبير

اهم حاجة لازم تعرفها الشريحة اللى انا اتكلمت عنها كل الكلام دة ان العورة الحقيقية فيهم هما  

2011-2012 "عام الفشل" للقيصر

من سنة بالظبط بدأت فى العام العشرين لبقائى فى الدنيا اللذيذة دةحصاد السنة اللى عشت نصها فى 2011 والنص التانى فى 2012
عدى يوم 25/5 وجه 25/5 وما بين اليومين دول حصل حاجات كتير واتعلمت حاجات اكتر وغطلت فى حاجات اكتر كالعادة  :)
ما قريتش ولا كتاب جديد كالعادة..بس اتعرفت على ناس كتير شوية على غير العادة من الانعزال..بقيت بشرب الشيشة بانتظام ..بطلت الحلم فى انى ابقى لاعب كورة ..
التواريخ المهمة فى السنة دى بما انى بحب التاريخ اكيد 25/5...1/6...13/6..12/7..17/9..16/12..24/3..
عشت فى السنة دى فترتين كانوا حلوين ما بين 12/7 لغاية 17/9 وما بين 19/11 لحد 22/11
كنت هموت تلات مرات فى السنة دى بس كان لسه فى عمر ..رجعت اكتب شعر تانى
اخدت اهم قرار انى اركز فى حاجة واحدة فى حياتى وانجح فيها
25/5/2012..انا متفائل بيه :)
اشتغلت فى خلال السنة دى 5 شغلانات وفى خلال السنة دى عملت المدونة دى اللى انتوا بتقروا فيها الكلام الفاضى دة :)

ع الفيس بوك

الثورة الاول..حرام اللى بيحصل وغضب شعبى عارم<<< ع الفيس بوك
9مارس.... يعنى اية الى حصل عند المتحف نشر صور الشهدا وغضب<<عالفيس بوك
8 ابريل يعنى اية يموتوا الظباط ويعتقلوهم نشر صور الظباط <<ع الفيس بوك
9 اكتوبر يعنى اية موتوا مينا دانيال والاقباط عند ماسبيرو ونشر صور الشهدا<<ع الفيس بوك
محمد محمود ومجلس الوزرا وبورسعيد نشر صور الشهدا <<ع الفيس بوك
انتخابات الشعب كل المرشحين الثوريين كسبانين<<ع الفيس بوك
قضية الاسرى كلنا حطينا صور بروفايلتنا واحدة <<ع الفيس بوك
انتخابات الرئاسة حمدين صباحى او ابو الفتوح ان شاء الله <<ع الفيس بوك
يوم ما هنتفشخ كلنا..اوعدكوا اننا هنفشخهم واحد واحد..بس ع الفيس بوك :)

كافر.."جرافيتى"

الجوع كافر
ولازم تامنوا بده
جربوا مرة تجوعوا جوعهم
جربوا فى مرة دموعهم
اللى مش نازلة علشان كريم
دى نازلة بس
لان البرد قارص
لان جوعهم كافر
ومالوش رسل منزله
تجعله يأمن
رسوله دايما يسافر
وربنا مجعلش حوت فى طريقه
يرجعه
لازم تأمنوا ان جوعهم كافر
وقصاد كل رصاص ضربوه
لحظة خلاص نفسهم فيها
من الجوع
والدموع اللى ملت
البطن والعيون
والشوارع اللى اتملت بالدم
الجدار اللى كان امبارح ابيض
واستحال لونه
للاحمرار
علشان حمار
ضحى بينا
وحط اللقمه
قدام الحق
فكان طبيعى
تكون اللقمه
هى الاهم
انابصفتى
شخص يائس
بقولكوا
اللقمه تكسب
والحق خسران
طول ما الرصاصه
فى ايد الجعان
والخلاص جواه
كامن فى انه يقتل حق
يقتل كل اللى قالوا لا
فى زمن الـ نعم
للعهر والكفر اللى زاد
انا بصفتى
بنصحكوا
لما الجدار يتملى بلونه الاحمر
ادهنوه
واعملوا منه للشهيد
حته جرافيتى
يمكن كدة حقه يرجع
ودمه اللى سال
يسيل قدامه دم
حته جرافيتى
هيتمسح بعد ما رسامه
يخلص
انا بصفتى بقولكوا
جوعوا مرة
حسوا مرة
واعرفوا ان اللقمة مرة
واعرفوا ان الحق مر
واعرفوا ان الجوع
امر

البرنيطة الانجليزى

البرنيطة الانجليزية بتمثل حاجات كتير لاى واحد بيلبسها <<دى معلومة لو قولتها قدام واحد دماغه كويسة هيقولك انا سمعت ان البرنيطة دى كان ليها عدة قصص غريبة فى التاريخ الانجليزى##هتقعدوا بعدها تدوروا على القصص دى وتزودوا معلوماتكوا عن شىء معين<<<
ولو قولتها قدام واحد دماغه فاضية و"دول كتير" <<هيقولك برنيطة !!! انتا قديم قوى ياعم اسمها طاقية وهيقعد بقى يضحك ويقولك دة انتا قديم فشخ بكلمة برنيطة دى ##هتقعدوا بعدها واحد عمال يفرفر م الضحك وانتا هتتخصى وتفقد القدرة ع الانجاب ####حقيقية فشخ

الدكتور الجامعى

الدكتور الجامعى اللى تفكيره محدود هو اللى بيدى للطلبة بتوعه وجهة نظر واحدة فى العلم اللى بيدرسه وبيحاول يخلق منهم نسخ منه واللى بيحاول يخرج بفكره برة الاطار بتاعه بيسقطه <<هتلاقوا الدكتور دة بيدرس للطلبة بتوعه كتب هو مألفها واللى ميشتريش الكتاب بيسقطه برضة##عندنا منهم كتير فشخ
الدكتور الجامعى المثالى هو اللى بيحاول يخلق جوه الطلبة بتوعه فكره ان العلم متجدد وان وجهات النظر دايما بتتخلق باستمرار حوالين نفس العلم فى الثانية الواحدة ودة اللى بيخلى الامم تتقدم والعلم عندهم يبقى متجدد مش فى الشكل الجامد بتاعه ودة اللى خلى البشرية تنتقل من زمن الحمام الزاجل لزمن الانترنت انهم امنوا ان صنع نسخ من نفس الشخص هيخلى عندنا دماغات بتتصارع فى نفس النقطة  المحدودة وعمرهم ما هيتقدموا خطوة لقدام
##الدكتور الجامعى المثالى لا يتواجد بكثرة عندنا وان وجد تتم محاربته !!!##حقيقة مجربة

عذرا وجيه ابو ذكرى

عندما تبحث عن فارس الكلمة ولا تجد معلومات كافيه عنه لابد ان تنكس رأسك وتكسر قلمك <<انهم يطمسون فوارس الكلمة يا صديقى ##عذرا وجيه ابو ذكرى
وعندما تجد من يصبح ديوثا محمولا على الاعناق ويحتفون به وهو من يقود دفة الامور اعلم اننا نحيا وسط جدران الماخور الاعظم ##انهم لا يقدرون سوى ابناء العاهرات والزبائن الماجنون يا صديقى ##عذرا وجيه ابو ذكرى

ام ابو اسماعيل..كلمة حق

كلمة حق اخيره<<<ابو اسماعيل امه مش امريكانيه...وكل دةاحنا بناخد خازوق صح ##بس مفيش صياعة فى ادارة الازمة من ابو اسماعيل ولا من مؤيديه .........
تعالوا نغير اللى حصلنا لما جابوا فيديوهات تقول ان الثوار بلطجية اللى نزل الميدان كان عارف ان الثوار مش بلطجية بس المجلس السكرى بيعرف يلعبها صح <<<<ولاد ابو اسماعيل ساعتها وكل الناس رمونا بالباطل وهى دايرة وبتدور واهم اترموا بالباطل ....بلاش غباء ونصدق الباطل دة ونساهم فى صنعه وتكبيره عشان كلنا بنلبس ...افتكروا ازاى الثورة اتقتلت ....مش عايزين نغلط نفس الغلطات وحياة ابوكو

ليسوا شيوخا وليسوا مسلمين

عندما يتحول الدعاء على المنابر إلى "اللهم يتم اطفالهم ورمل نسائهم " فى دين التسامح الذى يأمرنا ان لا ندعوا بالشر دعائنا

بالخير فاعلم ان اولئك الشيوخ لا ينتمون الى ذلك الدين العظيم ..ويجب ان تعلم ايضا ان الله امرنا ان لاندعوا بالشر دعائنا

بالخير حتى لا تنتشر البغضاء بيننا ولان الدعاء والولوله ينتمون بالجانب الاكبر إلى معشر النساء الفارغات العقل فنحن ها هنا نكتشف 

ان اولئك المطلقين ذقونهم ليسوا شيخوا ولا رجالا ولا مسلمين فالمسلم هو من سلم الناس "كل البشر يعنى" من لسانه ويده

عصير الدماغ "12-4-2012"

كلاكيت تانى مرة###قررت اتجوز خلاص من الحقيقة المطلقة :))
....................................................................................

كلاكيت اخر مرة ##اكسروا الاصنام قبل ان تطبق على صدوركم وتكسركم
....................................................................................

عندما خلق الله طبقة من الجلد وعظام من اقوى العظام فى الجسد ليغلف بهما شيئا ما <<يجب ان ندرك ان ذلك الشىء مهم ##حقيقة مطلقة
....................................................................................

الحقيقة المطلقة ##لا تصدق ولا تنصت سوى لكلام الله فهو الحقيقة المطلقة الوحيدة فى ذلك الكون :))
....................................................................................

الحقيقة المطلقة##لا تكرر العتاب على احد بسبب رده فعله تجاه بعض الاشياء والاحداث وانت تملأ الكون ضجيجا على جرح بسيط فى خنصرك
....................................................................................

الحقيقة المطلقة ##لا تأخذ بالاعراف والتقاليد فهى نسبيه ومتغيره فى نفس المجتمع مع مرور الوقت
....................................................................................

بعد الجواز من الحقيقة المطلقة المبدأ هيبقى <<<الله ..الحقيقة...الانسانية

....................................................................................

اخر كلام ##احلى حاجة فينا لما يبقى فى عادة او عرف ما جاى على هوانا وهينفذ حاجة فى دماغنا نقعد نحارب عشان نثبت اننا مينفعش منمشيش على العرف دة اللى ماشى اجدادنا وابائنا وان عدم المشى عليه هيبقى "عيب"<<<بعد شوية لما نفس العرف ميبقاش على هوانا او هيضر الحاجة اللى فى دماغنا وحد يقولنا مينفعش منمشيش ع العرف دة اللى هو بتاع اجدادنا كدة عيب ...بنرد عليهم بكل برود وبساطة ونقول <<هو قران ولا حاجة :D #واحد مجرب

ضد التيار

رغم النصائح لم يتراجع ،كان أخر ما قالته أمه نصيحة "يا ولدى لا تسبح ضد التيار، يا ولدى أشفق عليك من الأخطار "ولكنه لم يتراجع لحظة كان يرد بكلمات بسيطة تسكت الناصحين "اعلم أن الموج رهيب ومن العقل أن افعل مثلكم وأسبح مع التيار كي أصل سالما وكي أصل باكرا ولكن كم سنكون كثيرين نحن الذين سبحنا مع التيار حتى وان وقفت المدينة كلها في استقبالنا عندما نعود من البحر ولكن لن يلتفت أحدا إلى أو إلى أي  شخص مننا سيكتفون بالقول" أولئك هم العائدون" ولكن بعد رحيلهم سيتبقى من أهل المدينة شخص ما منتظرا ذلك الذي تأخر عن الوصول لأنه كان مختلفا عن اقرأنه وسبح ضد التيار " ولما جاء اليوم و نزل إلى البحر ظل يصارع الأمواج رغم تأخره لم يتراجع ورغم الوحدة لم يكن في عقله سوى ذلك الشخص الذي سينتظره عند الشاطئ يوم وصوله كان يصبر نفسه بصبر ذلك الشخص على انتظاره وكلاهما وحيد يسبحان ضد التيار كلا منهما على طريقته الخاصة  

عبيد الناس

لما منعملش اى حاجة غلط عشان بس الناس هتقول علينا اية لو شافتنا بنعمل كدة ونعملها عادى من غير اى احساس بتانيب الضمير فقط عشان مفيش ناس دلوقتى شايفانا ...ولما البنت تتربى على انها ما تشتمش عشان الناس متقولش عليها قليلة الادب وتبور مع مرور الوقت يبقى نظام التربية دة فاشل... احنا مبنشتمش بس عشان اخلاقنا لا تسمح اننا نقول الفاظ قبيحه لكن القبح اكتر اننا نبقى عبيد للناس مش عبيد لاخلاقنا اللى فى كل الاحوال هتوصلنا لطرق العبادة الصحيحة لرب الناس   

اذن بالرحيل

كلمة محشورة فى الحلق
كان نفسها تخرج
ولو لـ لحظة
كان نفسها تصرخ فى وش الخلق
كان نفسها تنطق
لكن الحلق ضيق
صرخت وباى منطق
اكون انا وسط الحلوق الضيقة
واتحشر جوة قلوب معبقه
قلوب شمت كتير من هوا بحر الحياة
شمت لحد الدنيا ما اصبحت شرنقه
جواها البشر عايشين
جوة قلوبهم مزنوقين
مسافرين ومحبطين
مستنين اذن بالرحيل
وعمرهم ما استنوا فرصه لـ لقا
طول ما المشاعر جوه الحلوق
متزنقه

خلى بالك

قاموس الشتايم المؤدبة

نظرية القضيب

رب البيت

من اجل الغريزة

بتر الرجولة

خيط صغير

ضرب العساكر

نفس الابتسامه

خايفين من الحمل

دلوقتى الناس كلها بتشير الفيديو بتاع د.محمد البرادعى وانجلينا جولى وكل واحد بيكتب الكومنت الخاص بيه ع الفيديو ودخلوا فى حوارات واسئلة هو دة الوطنى .....هو دة اللى انتوا ماشيين وراه
واى كان الاتفاق او الاختلاف مع شخص د.البرادعى فمش لازم

فى رثاء جلال عامر

الثورة ماتت

الثورة ماتت بقالها 4 شهور.......لما شوفنا اقباط ماسبيرو بيتدهسوا وسكتنا
الثورة ماتت ..

يسقط حكم العسكر

لن يسقط حكم العسكرطالما نحن جهــــــــــلاء ..................................لان العسكر جهلاء 
لن يسقط حكم العسكرطالما نحن ديكتاتوريين...................................لان العسكر كذلك 
لن يسقط حكم العسكرطالما نحن ضعفـــــــــاء...................................فالعسكر كذلك
لن يسقط حكم العسكرطالما نحن لم نسقط

حاجة ناقصة

الطبيعى ان مش كل حاجة فى حياتنا متبقاش بايظة..بس اللى بيحصل ان فى حاجات كتير دلوقتى بتبوظ..لان دايما بتبقى فى حاجة ناقصة..صحيح مفيش حاجة كاملة ..بس كان فى حاجات بتقرب من الكمال دة ...حتى يوم ما بنكمل حاجة بنكملها غلط وبيفضل تانيب الضمير جوانا "دة لو لسه الضمير صاحى يعنى"..لو عايز ما تكملش اى حاجة ناقصة بطريقة غلط هتبقى

كيف تصبح ديوث

ايها المواطنون فى ظل تلك الظروف العصيبة التى تمر بها البلاد وفشل الكثير فى ان يصبحوا رجال فى ظل وجود مصنع الرجال "ميدان التحرير" تقرر توزيع منشورات كيف تصبح ديوث عشان بتاعت كيف تصبح رجل ناس كتير مش راضيين بيها....
"كيف تصبح ديوث" فى 4 خطوات
1-قول ...العيال بتوع التحرير هيخربوا البلد 40 مرة يوميا......البلد بتضييع او مصر بتتحرق 20 مرة
2-اسمع وشاهد كل برامج "توفيق عكاشه" و"خيرى رمضان" بشكل يوم ويوم اجازتهم عيد الحلقات السابقة واتفرج عليهم
3-اشترى ام بى فور وحط عليه كل اغانى عمرو مصطفى واحمد زوبايدر واحفظ كلمة "ماسونية ...و اناركية"
4-هات ناس ولبسهم اقنعة بانديتا وخليهم يسحلوا كل الستات اللى فى عيلتك وخليهم يضربوك ويفقعوا عين من عينيك واحتفل بيهم
ملحوظة هامة:- لو اتعصبت وانتا شايف ستات عيلتك وهما بيتسحلوا يبقى انتا ما اتدربتش كويس ولازم تعيد الكورس م الاول

المجلس

الظاهر ان كل حاجة اسمها"المجلس" بتبقى فاسدة.. وادى اهو اول جلسة من "مجلس " الشعب طلعت كوميدية بس برضة هيفضل الكبير كبير وهيفضل "المجلس " العسكرى هو اكتر المجالس كوميدية فى تاريخ مصر ودة مكون من 19 واحد بس شوفوا الناس دى قادرة ازاى
المجلس العسكرى نط ع الثورة وخان الثقةبتاعت الشعب وخلانا نقول ان الاجابة دايما هتكون تونس
مجلس الشعب مليان بناس خانت ثقة المصريين اللى بجد فى الاول زمان لما قالوا الخروج عن الحاكم حرام ودة طبقا لشرع الله "وشرع الله برىء منهم" وفىالتانية لما كان كل همهم الكراسى وسابوا الناس تتقتل فى محمد محمود وبعدين فى مجلس الوزرا ودول بيطاطوا للمجلس العسكرى واللى اتعلم يطاطى مره هيطاطى كتير حتى لو اختلفت الحاجة اللى بيطاطى عشانها
لا الثورة تنجح ان شاء الله والنبى بلاش نعمل "مجلس" الثورة لحسن يبقى فاسد هو كمان ما حنا مجربين "مجلس" قيادة الثورة بتاع 52

اللهم اكفنا شر المجالس.....!!!

الثورجية

اهم حاجة نجح المجلس العسكرى فى انه يصنعها خلف خطوط الناس اللى ضده..هى طبقة الثورجية لانه كان عارف ان بتوع العباسية هيبقوا مضحكين لدرجة كبيرة والناس كلها هتبقى عارفه انهم مكانهم الطبيعى فى العباسية ..لكن طبقة الثورجية دول هيبقوا اكبر خطر ع الثورة لانهم ماشيين بمبدا خدونى معاكوا لاحرق نفسى مفيش اى اساس نازلين علشانه عشان كدة بيبقوا هما اكبر خطر ع الثوار مش لازم نشك فى بعض بس والنبى المرة دى لو الثورة فشلت هنضرب بعدها على قفانا واحنا مبسوطين بل وهندمن كمان الضرب ع  القفا ...كمان يومين مفيش مجال للخطأ ياما هننجح فعلا ياما مش هتقوم قومة تانى للبلد دى ولو بعد قرن ..ولا هنجيب حق شهدا ولا هتبقى لينا كرامة 

الساكن الجديد

كان فى مرة بيت ساكنة ناس عايشين مع بعض متحابين.. رغم اختلاف الاديان ما بينهم الا انهم اتعاملوا مع بعض من منطلق انهم بشر وكان فيه شقة فاضية مش مسكونة فى البيت دة وفى يوم واحد جه اجرها ويوم ما وصل عشان يستلم الشقة كل اهل البيت راحوا يزوروه وهما جايبين هدايا كتير عشانه...لكنهم تصدموا فيه عشان لقوه شخص غريب فى معاملته اللى كانت سيئة جدا..كل كلامه بينم فيه ع الناس ..معظم كلامه شتايم ..الناس انسحبت من عنده ومشيوا وقالوا لولادهم انهم ميتعاملوش معاه ابدا عشان اخلاقه دى..وطلع واحد من اولادهم قالهم ما احنا ممكن نخلى صاحب البيت ميجددش عقد الايجار معاه ونستحمله الفترة دى وكل الناس اجتمعوا ع الراى دة وكلموا صاحب البيت اللى بان عليه انه مرحب بالفكرة وهيحاول ينفذها.
بعد فترة الساكن الجديد حس ان كل ما يتكلم مع حد يبقى الكلام على قد السؤال دة لو حد رد عليه ..كان حاسس انه منبوذ فى البيت دة فكر وملاقاش قدامه غير حلين بس يأما يحاول يخلى اخلاقه زيهم بس عرف ان عمره ما فى يوم هيبقى كدة فاستخدم الحل التانى وهو ان يخلى اصحاب البيت زيه فى اخلاقه بالظبط وعرف ان ده لازم يحصل للاطفال الصغيرين بالذات هما دول اللى ممكن يتغيروا بسهوله وكمان الشباب وفعلا نجح انه يخلق من كل اللى فى البيت نسخ منه فبدأ يبقى محبوب جدا وبقى هو مركز البيت والناس على طول عنده فى شقته
لما قربت السنة تخلص خلاص وعقد الساكن الجديد هيخلص جه صاحب البيت عشان ينفذ وعده للسكان ويقوله انه مش هيجدد عقد الايجار معاه كان صاحب البيت لوحده هو اللى بيطلب دة وكل سكان البيت عايزينه يفضل... عشان كدة فضل الساكن الجديد عايش لفترة كبيرة فى البيت وبعد فترة بقى هو صاحبه 

التجربة

كام مرة حسيت بملل كبير فى حياتك وزهقان من كل حاجة وتحس انك جربت كل حاجة..
 كسر الملل فى الوقت دة بيبقى سهل لو صدقت ان

عقارب الساعة

فى ناس كتير بتحاول تتصارع مع عقارب الساعة ..بس الاكيد ان الصراع دايما بيبقى فى صالح العقارب لان الثانية بتفرق ...فى ثانية واحدة الروح بتطلع من الجسم وفى ثانية واحدة بيبقى الدكتور قادر انه يرجع القلب لنشاطه ...ثانية واحدة كافية عشان نقول كلمة بحبك بس اكيد مش هتكفى عشان ننسى قصة حب فشلت وساعتها بنبدا الصراع  مع العقارب وبرضة بنخرج خسرانين.... بس كسبنا حاجات اتعلمناها

الطوق الجديد

مع السيناريوهات الكتير الموجودة ليوم 25 يناير الجاى واللى هيحصل فيه وان المجلس هيسيب السلطة لرئيس مجلس الشعب وهيطلب الحصانة ومع انضمام ناس كتير للحزب الرسمى الموجود دلوقتى وهو حزب الكنبه وبقى فى رضى تام بالامر الواقع وكمان بقى فى رضى بموضوع نديله الحصانة بس يغور من وشنا "والكلام هنا ع المجلس والمشير"
كدة احنا بنكرر نفس الغلط لما مشينا من الميدان بعد تنحى مبارك ومصبرناش عشان نكمل الثورة لو كررنا الغلط دة تانى بتاع اننا نرضى نشوف لما الرئيس ييجى هيعمل ايةيبقى احنا كنا عاملين ثورة عشان نكسر الطوق اللى كان حوالين رقابينا عشان نجيب طوق جديد وساعتها هيبقى طوق اوسخ من اللى قبله وهيبقى اصعب فى كسره من اى طوق مر علينا فى تاريخنا 

الميديا

اوسخ مافى مصر هو وسائل الميديا الموجودة وطريقة ادارتها.... المفروض الهدف ميبقاش المشير ولا المجلس لان حسنى راح وفضل غيره وادار بنفس الطريقة الفاسدة اهم حاجة نوصل للميديا دى عشان دى اللى بتسمم عقول الناس واللى بتملك عقول الناس"الا من رحم ربى" لو عملنا زى الثورة اللى فاتت النظام هيسقط وييجى غيره بنفس الاسلوب لانه بيمتلك اهم اداة فى تحريك كل حاجة وبيعرف يوصل لكل الناس .......اهم حاجة نمتلك الميديا وهنبقى حققنا جزء كبير من مجاح سقوط النظام
فى 1952 كان العسكر عارف قيمة الميديا عشان كدة كانت اول حاجة استولى عليها ..فى 2012 هيقاتلوا لاخر نفس عشان متروحش منهم ودة اسؤا شىء فى العسكرى انه بيقاتل لاخر نفس .....
الكلام هنا عن ماسبيرو -منتدى الحق والضلال "ماسبيرو الكاتدرائية"