لسه السجون فاضية
لسه العقول راضية
ولسة القلوب خايفة
فخلى بالك...
لسة السجون فاضية وبكرة راح يسجنك
لسة العقول راضية بعدل كلب الملك
لسة القلوب خايفة من طلقة رصاصة تقتلك
فخلى بالك...
بكرة الحياة راح تئن
وشمسنا ع الليل تزن
ومهما يملوا فى السجون
صوت الحق جواها هيعلى
ويفضل يرن
يفضل يزن جوه ودان الكلاب
يفضل يقول قفلتوا باب
ولسه قدامنا ميت الف باب
خلى بالك...
الثورة عندنا فكرة
اقتل نهارنا
واسحل بناتنا
واقتل ولادنا جوة مدرجاتك
اطلع براءة
حطنا جوة معتقلاتك
ومن بكرة
ماهى مش هتفرق معانا
طول ما الثورة عندنا
فكرة
ليست هناك تعليقات:
إرسال تعليق