مش فاكر الاماكن
يمكن نسيت يجوز
مش فاكر الماسى
والدموع وقت الحدوث
مش فاكر الكراسى
طب فاكر الدقون
على جسم واد سياسى
باع دمك بالقانون
طب فاكر شكلى انا
ولا انتا كمان نسيت
يمكن ضرب العساكر
اثر جواك لكنه
مش هينسيك الاماكن
ولا وشوش الصحاب
مش هينسيك الرصاص
والدم على التراب
ولا صوت القنابل
والشوارع والضباب
اكيد فاكر حاجات
فاكر ضرب القنابل
ودموعنا اللى سالت
وبنتسال علشان..؟
من شمنا للغاز !!
ولا اصحابنا اللى ماتت!!
مش فاكر الاجابة؟؟؟
الموت يا صاحبى صدمة
وبتكمل بالرحيل
القتل ساعات يحل
لكن ميبيدش جيل
هنعلى فى صوت صراخنا
يمكن ودانهم تسلك
والضرب يزيد حماسنا
والعزيمة فى يوم ما تهلك
يا صاحبى انت قوى
ولا يوم هتنكسر
وفى يوم هتيجى تقولى
الثورة بتنتصر ...
ليست هناك تعليقات:
إرسال تعليق