رب البيت

عندما ترى فتاة لا تهتم سوى بارتداء الملابس الضيقة او العارية ولا يوجد فى تفكيرها سوى تلك الامور حول صيحات الموضة او مساحيق التجميل لا تلومها فانت وغيرك من رجال امتك من تلهثون وراء ذلك النوع من الجمال من فتيات ينحصر جمالهن فى ذلك الامر ويظهرون ليل نهار ع الشاشات والمرأة بخلقتها وطبعها تبحث عن الجمال او ان تصبح جميلة واذا كان هذا هو مفهوم الجمال الموجود فى راسك فهى تعطيك نموذجا منها علي ذلك المفهوم
متلومهاش وانت السبب فى كدة لان فى مثل عربى عبقرى بيقولك "اذا كان رب البيت بالدف ضارب فشيمة اهل بيته الرقص"
مشكلة اى حاجة غلط فى الدنيا ان القيادة بتبقى فاسدة فالطبيعى ان اللى بينحصروا تحت القيادة دى بينصاعو بحسن نية وراء قيادتهم وبيلغوا عقلهم
احنا مبنكرهش السلفيين ولاالفكر السلفى لكن.......... بنكره فكر قيادتهم اللى عفا عليه الزمن
احنا مبنكرهش الاخوان ولا فكر شباب الاخوان لكن بنكره النوايا والفكر الردىء لقيادات كتير موجودة فى الجماعة
مبنكرهش الحكومة لكن بنكره غباءها السياسى ........مبنكرهش الديانة المسيحية لكن بنكره فى اوقات كتير تصرفات قيادات الكنيسة باستخدام الدين لاغراض كتير .......مبنكرهش اليهود لكن بنكره الفكر الصهيونى الوسخ
لكن من الغباء اننا نسيب رب البيت ونقعد نكره فى بعض لاننا اتخلقنا بنحب بعض بالفطرة بس لازم منفضلش كدة لان مش هيبقى فى حروب ولا صراعات وبكدة ارباب البيوت الفاسدين هيتكسر الدف اللى فى ايدهم مادام اهل البيت بطلوا الرقص... !!!